ညခင်းတို ခဏလေးမှာ
လမင်းလို ညီမလေးက
အဒိန္နာဒါနာကိုချိုး
ငါ့အချိန်များ လာလာခိုးတယ်။
မာယာများတဲ့ ပန်းလေးရေ
ဂါထာများနဲ့ မန်းဆေးတွေ နင့်မှာရှိလား။
ပျက်ပြယ်လုသွားတဲ့ ငါ့အိပ်မက်တွေကို
အသက်ကယ်ကုစားဖို့ 
သွားတက်ငယ် တခုအားနဲ့ 
တချက်ရယ်ကာ ပြုစားလှည့်ပါ။
စောင်းတလုံးရဲ့  ဗီဇလေးများနဲ့့နှုတ်ခမ်းလွှာရေ
အကောင်းဆုံး ဂီတတေးများ ဖွင့်စမ်းပါဦး။
နင့်ရဲ့ 
သကာစကားလေးတွေအမျိုးမျိုးနဲ့ 
ငါ အားဆေးတွေထိုးပါရစေ။
ချစ်သူကို ကဗျာတပုဒ်အဖြစ်မှတ်
နှလုံးသားနဲ့ ခြေဆုံးခေါင်းဆုံး ဖတ်ကြည့်တော့
သူ့ အလှအပိုဒ်တိုင်းဟာ
ဘဝဆိုတဲ့ မမြင်မစမ်း တောလမ်းတခုက
မရလိုတဲ့ ဘဝင်နွမ်း မောပန်းမှုတွေကို
အလိုအလျောက်ပဲ သွားဖယ်မယ့် အရာ
ကိုယ်တယောက်တည်း နားလည်မယ့် ကဗျာပေါ့။
သူနဲ့ တွေ့ လိုက်တိုင်းမှာ
ဒုက္ခအကျိတ်ငယ်များဟာလည်း
လုံးဝ အဆိပ်ပြယ်သွားရတယ်။
သြော်…
အမြင်ကို ဖမ်းစားနေတဲ့ ပင်ကိုဟန်
ရင်ကိုယမ်းသွားစေတဲ့ ရွှင်ချိုသဏ္ဍန်လေးတွေနဲ့ 
သူ့ုအလှမှော်ကို ခံစားခဲ့ရတော့
လူ့ ဘဝက အတော်ကိုတန်သွားခဲ့ရပေါ့။
ဟော ဟိုမှာ တွေ့ လား
‘အလှ’စင်လေးတခုပေါ်မှာ
ကောင်မလေးရဲ့ ....ယဉ်ကျေးမှုတွေ ပန်ထားတဲ့
သူ့ မျက်နှာနတ်ရေကန်လေးဟာ
ကိုယ့် ချစ်သူ ငွေလမင်းပဲ ဆိုတာကို
ဖူးစားရေးနတ်ရေ
ကူးကာရေးမှတ်။
No comments:
New comments are not allowed.